കുട്ടികള്‍ക്ക് സാന്ത്വനമായി "സാന്ത്വനപ്പെട്ടി"
സ്ക്കൂള്‍ വിദ്യാര്‍ഥികള്‍ക്കായി സര്‍വ ശിക്ഷാ അഭിയാന്റെ നേതൃത്വത്തില്‍ ആരംഭിച്ച ഹെല്‍പ്പ് ഡസ്ക് ചിറ്റൂര്‍ ബ്ലോക്ക് തലത്തില്‍ പ്രവര്‍ത്തനം തുടങ്ങി.2/8/11 ചൊവ്വാഴ്ച ചിറ്റൂര്‍ പാഠശാല സംസ്കൃത ഹൈസ്ക്കൂളില്‍ വെച്ച് നടന്ന ചടങ്ങില്‍ ബ്ലോക്ക് പ‍ഞ്ചായത്ത് പ്രസിഡന്റ് ശ്രി.കെ.ഗോപാലസ്വാമി ഉദ്ഘാടനം ചെയ്തു. പ്രധാനാധ്യാപകന്‍ ശ്രി.ടി.രാമദാസ് സ്വാഗതം പറഞ്ഞു.നഗരസഭാ ചെയര്‍പേഴ്സണ്‍ ശ്രിമതി.വി.സുമതി അദ്ധ്യക്ഷയായി.നഗരസഭാ വിദ്യാഭ്യാസ സ്റ്റാന്റിങ് കമ്മിറ്റി ചെയര്‍പേഴ്സണ്‍ എം.സിന്ധു "സാന്ത്വനപ്പെട്ടി" സ്ക്കൂള്‍ ഹെല്‍പ്പ് ഡസ്ക് കണ്‍വീനര്‍ സുശീല ടീച്ചര്‍ക്ക് കൈമാറി. വാര്‍ഡ് കൗണ്‍സിലര്‍ ആര്‍.കിഷോര്‍ കുമാര്‍ ,കെ.വസന്തകുമാരി,ബാബുദാസ് ബി.പി.ഒ.രാധാകൃഷ്ണ്ന്‍,എ.ഇ.ഒ.സുദേവന്‍,സ്കൂള്‍ പി.ടി.എ പ്രസിഡന്റ് ലിയോനാര്‍ഡ്,ഷീന്‍ ചന്ദ്രന്‍ എന്നിവര്‍ സംസാരിച്ചു.സിസ്റ്റര്‍ വിജയ ക്ലാസെടുത്തു.
വിദ്യാര്‍ഥികള്‍ നേരിടുന്ന ശാരീരികവും മാനസികവുമായ പ്രശ്നങ്ങള്‍ തിരിച്ചറിഞ്ഞ് അത് പരിഹരിക്കുക എന്ന ലക്ഷ്യത്തോടെ ആരംഭിച്ച പദ്ധതിയുടെ ഭാഗമായാണ് സ്ക്കൂളില്‍ സാന്ത്വനപ്പെട്ടി സ്ഥാപിച്ചത്.കുട്ടികളുടെ പ്രയാസങ്ങളും പ്രശ്നങ്ങളും ആരുമറിയാതെ ബന്ധപ്പെട്ടവരെ അറിയിക്കാന്‍ ഇതിലൂടെ കഴിയും.
ഈ വിഷയവുമായി ബന്ധപ്പെട്ട രീതിയിലുള്ള കുട്ടികള്‍ അവതരിപ്പിച്ച കവിത നാടന്‍ പാട്ട്,മോണോ ആക്റ്റ്, സ്കിറ്റ്, എന്നിവ അരങ്ങേറി.
എന്തുകൊണ്ടും കുട്ടികളുടെ പലവിധ പ്രശ്നങ്ങള്‍ക്ക് ഹെല്പ് ഡസ്ക് പരിഹാരമാവും എന്നു പ്രതീക്ഷിക്കാം.
No comments:
Post a Comment